本身都打算過多一排先至寫呢0243既進階版，但估唔到反應都幾熱烈，所以今次都係早些少寫定呢個進階版，歡迎大家一齊討論同研究。 再次利申，我從來無真正學過樂理，所以樂理知識純粹係base on 小學同初中學過既野加埋朋友同我講過少少樂理1-5級既基礎，不過呢一篇會開始涉及到少許樂理知識，雖然常言道「獻醜不如藏拙，但我藏埋d樂理我呢個post可以唔洗出，所以，如果有出錯，絕對歡迎大家指正。 承之前係《淺談0243 (下)》所提及，即使同一組音都可以使用唔同既數字組合，係講《囍帖街》呢首歌既時候，正正出現左呢個情況，上次提到「聲調偏移」呢個Term，其實係我作出黎，我都唔知學名係咪咁，無辦法，無學過唯有作個似樣d既名，都係個句，唔岩既話請指正。 不過，係講聲調偏移之前，我地要了解一下「音樂」、「文字」同「數字」呢三種不同既語言。 音樂: C, D, E, F, G, A, B….有時有#或b，簡單d可以用do re mi fa so代替 文字: 忘掉愛過的她…..<<<<<就是呢d文字 數字: 0,2,4,(5),(9),3，其中因為5接近4，9接近3，所以暫且不提，遲下再講 1. 每個文字都有一個特定既「值」 其實之前都有講，所有以粵語發聲既中文字，都離不開九個聲調，而呢九個聲調既音高(Pitch)，可以簡化為四個，即係0、2、4、3，當中0係最低音，2較高音，4又比2高音，最後3係最高音。 記住，所有文字都可以簡化為0、2、4、3，無一例外，當然，再細分，4可以拆做4同5；3可以分成3同9，但都係個句，唔講住，因為會複雜好多，類似IPv4升級成IPv6咁，總之，呢一篇只有四個數字，去代表所有既中文字。 求其抄段野出黎做個例子： 「在職場與人相處，「好來好去」很重要。有打工仔指，一位將離職的同事交代工作馬虎，甚至動輒請無薪假及病假，留下手尾讓新人接手。」 「在」到底值幾多? 係2。 「職」到底值幾多? 係3。 「在職場與人相處」就係「2-3-0-4-0-3-4」 好，去到呢度都係唔明既，請留言或INBOX，我既facebook page係aamusictravel，唔係想賣廣告，而係你呢度唔明既話再睇落去都唔會明，就好似你唔識乘數，又邊可以識除數呢? 呀係，找返條數先 「在職場與人相處，「好來好去」很重要。有打工仔指，一位將離職的同事交代工作馬虎，甚至動輒請無薪假及病假，留下手尾讓新人接手。」 「2-3-0-4-0-3-4，3-0-3-4-3-2-4。4-4-3-3-3，3-3-3-0-3-3-0-2-3-2-3-4-3-3，2-4-2-3-3-0-3-4-2-2-4，0-2-3-4-2-3-0-4-3。」 記多樣野，無論用咩音去唱一首歌都好，文字既「值」唔會因為音樂而改變，即係我唱do係「在」，佢係2，即使我唱so係「在」，佢都係2，唔會變。 用一個比較數學既邏輯去講，數字既值其實已經可以代表到所有文字既時候，情況就好似做一條3個variable既數，你要點做? 咪就係代下代下代到少一個variable囉，而家就係呢個原因。之後，我地就可以思考埋「音樂」呢種語言。 2. 「音樂」語言本質 **註: 呢一部分會涉及好多樂理既野，我都無十足把握講得好正確，而你地睇既時候亦可以有好多野唔明白，唔明可以照留言或者INBOX，不過未必幫得到你。 自細學do-re-mi-fa-so-la-ti呢套scale，其實只係非常非常之井底既做法，因為do音唔係一個固定既音，唔同既key會令do音出現唔同既音高，do固然係do但係「到」又可以係do，「都」又可以係do。真正係固定既音用A-B-C-D-E-F-G黎表示，但有趣既係，唔係每兩個鄰近既音都係同一相距，舉個例，A去B係升1度，但B去C係升半度，以下既Link Show哂所有音既Frequency，數值愈大，愈高音。附加一句，人只係聽到20 – 20000Hz既音。 去到呢度，其實都要講埋Major Scale既Concept，wiki其實有講: 或者用個簡單既圖既表示，就會係咁: 坦白講句，以上既野，可能你唔識既情況下你都可以將0243運用自如，其實上面既樂理知識都係用黎幫助講以下既野。 3. …
Read more “填詞技巧 – 進階版0243 (上)”
