龍年伊始，相信大家都想盡快擺脫悲觀，睇見由治及興帶來既好處。一連四日長假期，拜年未必拜足咁多日，留係屋企又怕悶，出街又見商鋪初五先至啟市，不如親自落場， 行山 轉個運，既可以身心健康，又唔洗入場門票，一舉兩得。 若果大家怕新春期間各條主要山徑人潮絡繹不絕，其實就係粉嶺區接近心臟地帶，就已經有一條隱世山徑，過年都無乜人行，但景色超靚，難度又低，確實係老少咸宜既避世之選。 山徑全程都係石屎路，斜度不太高，山腳有洗手間，一路直上，去到山坳既十字路口，選擇右邊既路一直上，路既兩旁都種植左唔少顏色鮮豔既植物，尤其是最近回暖，更加可以見到火紅既木綿樹，大家去到可以影多張相啊！如果行到攰想休息，其實沿路都有涼亭供遊人休憩，每個涼亭各具建築特色，絕對值得大家低打卡。 回程建議大家選擇原路落山，山腳沿途亦有售賣汽水飲料、風車、鮮花等等，即使今年行花市未夠盡興，係呢度都可以彌補返行花市買唔到既野空虛架。 長度: 約3km (來回) 時間: 1.5小時 難度: 0/5 交通: 九巴70K、73、73A、270A、270B、273、273A、273D、277X、278X或978線於華明總站落車，向後行行經過天橋即可到達 官方介紹: https://catholic.crs.cuhk.edu.hk/Main/en/research-project/cemetery-studies/%E8%AA%8D%E8%AD%98%E5%92%8C%E5%90%88%E7%9F%B3/ 延伸閱讀: 國外行山體驗 https://aamusictravel.blog/2016/05/08/%e5%9c%a8-sunshine-coast-%e9%99%bd%e5%85%89%e6%b5%b7%e5%b2%b8%e9%83%8a%e9%81%8a%e5%8e%bb/
Continue reading